1930-10-zinatniska-ekspedicija-01-0035
AtšifriejaAnna9
Pabeigts
Apstyprynuots
Lobuots2020-05-22 21:51:57
Atšifriejums[1930]  197–213

197

Māmeņ, tovu auklējumu
Sveši ļaudis maldinuoj;
Teica muni natykušu,
Teic darbeņu namōkušu.

198

Atsasādi, atsapyuti,
Muna veca māmuleņa;
Tu bej' gryti strāduojuse,
Muni mozu audzējuse

199

Auklēj muni māmuleņa
Pī muteites dalykuse;
Kad pošai navajoga,
Dūd svešīm maldinot.

200

Nu sakneites lozda zīd,
Na nū zoru virsūneites;
Nū sirneņas as meiļoju
Sovu vacu māmuleņu

201

Muote, muna māmuleņa,
Na tu muna myuža muote;
Tei bej muna myuža muote,
Kur dēleņu audzynoj.

202

Ar gūdeņu, jaunas meitas,
Na ar zaltu, sudobreņu;
Sova gūda nadobūsi
Na par zaltu, sudobreņu.

203

Skaista, gora as izaugu
Kai Voczemis kaņupeite,
Kad nūgoju tauteņās,
Kai nīdreite lūcējūs,
Kai nīdreite lūcējūs
Pī gryutū dzernaveņu

204

Aud, māmeņa vylnāneites
Dzelžūtom maleņom;
Akmeņūta tautu zeme
Guņi šķeile staigājūt.

205

Tū celeņu reitā goju,
Tū celeņu vokorā;
Pībirst munas boltas kojas
Zilu zīdu, zalta rosis.

206

Pļaunit, bruoļi, pura pļovu,
Leicīšūs napļaunit;
Lai muoseņa pyuru šuva,
Leicīšūs ganeidoma.

207

Apauniti mun kuojeņas,
Palaidit celeņā;
Tod teicit munu vainu,
Ka dorbeņa namocēju
Atšifrēt tekstu
KruojumsLatviešu folkloras krātuve
Kolekcija10. zinātniskā ekspedīcija Rēzeknes un Ventspils rajonā
Atslāgvuordi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.